സ്ട്രീറ്റ് ഫെസ്റ്റിവൽ വടകര
മനുഷ്യന്റെ അതിജീവന പോരാട്ടങ്ങളുടെ മാഹാഗാഥകൾ പിറന്ന വടകരയുടെ മണ്ണിൽ പുതിയ സ്വപ്നങ്ങളിലേക്ക് മനുഷ്യരുടെ ഒത്തുചേരൽ. ജനങ്ങൾ കലയിലേക്കും കല ജനങ്ങളിലേക്കും പടരുന്ന വടകരയുടെ തെരുവുത്സവം. 2023 ഡിസമ്പർ 25 മുതൽ 31 വരെ വടകരയുടെ മണ്ണിലും മനസ്സിലും മാനത്തും മാനവികതയുടെ വർണോജ്വല ആവിഷ്കാരങ്ങൾ. മനുഷ്യർ ഒന്നിക്കുന്ന ഏഴ് രാപ്പകലുകൾ. വ്യത്യസ്ത വേദികളിൽ വൈവിധ്യം നിറഞ്ഞ ആവിഷ്കാരങ്ങളുമായി പ്രാദേശിക തലം മുതൽ അന്തർദേശീയ തലം വരെ ഉള്ള പ്രതിഭകളുടെപങ്കാളിത്തം.
മാനവസംസ്കാരത്തിന്റെ എല്ലാ കൈവഴികളിലൂടെയും ഒരുമയുടെയും പുതുമയുടെയും കാഹളം മുഴക്കി പുതുകാലത്തിന്റെ പിറവിയിലേക്ക് ഒരു നാട് സഞ്ചരിക്കാൻ തുടങ്ങുന്നു. ആശയ വൈവിധ്യങ്ങളുടെ, ആവിഷ്കാര വൈവിധ്യങ്ങളുടെ, രുചി വൈവിധ്യങ്ങളുടെ, വർണ വൈവിധ്യങ്ങളുടെ, രാഗ വൈവിധ്യങ്ങളുടെ ആഘോഷത്തിമിർപ്പിൽ നിന്നും ഉയരുന്ന ഐക്യത്തിന്റെ സ്നേഹ പതാകയുമായി ജനങ്ങളുടെ ഉത്സവം.
